نوحه ابالفضل سالار دینه
زبان شعر: لری خرم آبادی
مداح: حاج علی جهان آرا
شاعر: مهدی چنگایی
*************************
کجانی، سقای بی دس۲
حسینه، تنیا و بی کس ۲
***************
ابالفضل، سردار دینه
امید ام البنینه
**********
بی جدا دس علمدار
لشکرم منه بی سالار
**********
اشکنا پشت منه، ماتم او یکه برارم
غم عباس جوونم، ایسیه صبرو قرارم
غم سخت بی براری، بی د نینوا دچارم
چلچراغ هر شوم بی ، روشنایی روزگارم
قمر بدری و دلدار
بی جدا دس علمدار٪
*******
منه کشته ای تمنا، که بئی و مه جواووی
تو بیا سیکو د خیمه، نمنه د قطره آوی
چی بکه سکینه وا یه، دل کت کت و کواوی
منه زینب تو وا یه، غم سخت و بی حساوی
ها و نیزه سر سردار
بی جدا دس علمدار
*******
مرحبا و غیرتت ای، کر بی مثال حیدر
مشک پاره ت میزنه ، طعنه و آو حوض کوثر
دشمنت نئی جلودار، وسنون و تیر و خنجر
جاو جای علقمه، وخین پاک تو معطر
ماه لشکرو سپه دار
بی جدا دس علمدار
*************
وادسیا ت سقای بی دس، نذر آو خیمه یایی
وا نوای « یا اخا ادرک اخای نینوایی»
تو که خوت خدای عشقی، عشق و محرم خدایی
شرزه ضیغم شجاع و، شیر زرد کربلایی
یکه شیر رزم و پیکار
بی جدا دس علمدار
التماس دعا ،مهدی چنگایی
۱۸ تیر ۱۴۰۲
موضوعات مرتبط: فرهنگی و هنری ، اشعار لری ، نوحه و مراثی ، زبان لری
ترنم عشق...
ما را در سایت ترنم عشق دنبال می کنید
برچسب : نویسنده : 6t-eshgh2 بازدید : 51 تاريخ : دوشنبه 2 مرداد 1402 ساعت: 15:28